قصيدة عباس جبجان عن غزة

انا حب اللي يحبني واليفكر* بالسلام كبل ما يمد ايدة اللي مديت ادية

واللي يضربك رد اضربة *هذا قانون الفعل والرد فعل وهذا الحق المكتسب من الحقوق المدنية

شما قصفتوا شما حركتوا شما هجمتوا غزة تبقى عللعدوا قلعة عصية

غزة دمعة فلسطين البكت الامة الابية *غزة عنوان المراجل خبر عاجل تنقصف كل الاعظمية

غزة تدفع ثمن موقف لان صارت للعرب تاج وهوية

غزة ام تدور علطفالها تحت الانقاض وما لكت منهم بقية

واحنا امة عربيةكمنا نتفرج عليهةمن شاشة التلفاز كنا وهية تصرخ وي علية

اربعة وعشرين ساعة تنقصف غزة الحبيبة واحنا عالتلفاز نتسامر سوية

اندد نشجي ندين الاعتداءالغاشم الجاب المنية

لك `ولي مو مال تستنكر وتشجب تدين ذولي مطلوبينة مليون دية

ذولي اللي يقاومهم يسمونة ارهابي واللي ما يقاوم يسطفل هو واخيه

لك ذولي ذبحونة كبل ستين عام واحنا لازلنا ندور عالحلول الدبلوماسية

ذول مال شبشب منهري وجدا قديم ولولحة بكصة وزيرة الخارجية

وهيه هيه شما بعد دنياك تفتر هيه هيه

اذا تزعل فتح ترضى حماس وبالعكس تلكة الميول المذهبية

واحنا ما بين المطرقة وسندان يا عمي ابتلينا وما عرفنا الصدق وين وين مفتاح القضية

و الرعاة اصلا رعاع من اجل كرسي الحكومة دمرو كل الرعية

مو ابو عمار التقا برابيل مرات متى يلتقي عباس بهنية

اجل خلافك يا ابن عمي وكول الجرح اللي نزف في غزة فية

وهجمت اسرائيل تذبح بالاطفال وسوت بغزة ابادة بشرية

هذا هو الهولوكوست لك هذا هو الهولوكوست سوتة اسرائيل بينة وغزة شاهد عللعصر يا اهل الحمية

وين يا مجلس امن ولك وين يا مجلس امن لا شريف ولا نزية ولا تظن سافه النية

ليش بيد الظالم تحط السيوف وتذبه المظلوم وتذبة بهبية

غزة اخر قلعة عدنا لا تظن ننطيهة لاولاد الحرام الازعرية

غزة واجب على كل مسلم يدافع عنهة بيدة مو بقلبة اضعف الايمان ما حلة قضية

حطين ردت عدنا حطين ردت عدنا بهل اليوم والله الناس تفزع من ترد القادسية

لا تظن غزة تموت احنا هلهة العرب حمال الحمية